ჩვენ შესახებ

მოგესალმებით, ძვირფასო მკითხველო!

საინფორმაციო სააგენტო „ეკონიუსი“ 2019 წლის 29 ივნისს შეიქმნა. მედიასაშუალება მოგაწვდით ობიექტურ, მიუკერძოებელ ინფორმაციას საქართველოსა და მის ფარგლებს გარეთ განვითარებულ მოვლენებზე. ვებგვერდი ჯერჯერობით მუშაობს საცდელ რეჟიმში.

ეს მოკლე ოფიციალური, სავალდებულო ნაწილი იყო, ახლა კი ერთგვარი ლირიკული გადახვევა:

ბუნებრივია, სახელწოდებიდან გამომდინარე, სააგენტო ისეთ შთაბეჭდილებას ქმნის, თითქოს მხოლოდ ეკოლოგიურ, ვიწრო პროფილის საკითხებს უნდა ეხებოდეს. წესით, ლოგოც მწვანე ფერში უნდა იყოს გადაწყვეტილი... ან ეკონომიკური მიმართულება უნდა იყოს მისთვის მთავარი... რასაკვირველია, ამ სფეროებს ჩვენი სააგენტო დიდ ყურადღებას დაუთმობს, ისევე, როგორც ყველა დანარჩენს: „ეკო“ – oikos ხომ ბერძნული სიტყვაა და ქართულად სახლს, გარემოს ნიშნავს... ეკოლოგიის ცნების ერთ-ერთი განმარტება კი გვეუბნება, რომ ეს არის მეცნიერება ცოცხალი ორგანიზმების შესახებ მათ „საკუთარ სახლში“. ანუ ჩვენ შესახებ ჩვენსავე დედამიწაზე.

სიამოვნებით გავეცნობით თქვენს მოსაზრებებსა და შენიშვნებს.

პატივისცემითა და სიყვარულით - „ეკონიუსის“ რედაქცია

P.S. რედაქციის შეხედულება, შესაძლოა, არ ემთხვეოდეს გამოქვეყნებული სტატიის ავტორის აზრს