ექსპერტებმა აღმოაჩინეს ვირუსი, რომელიც WhatsApp-ის სახით ინიღბება

11 ივლისი, 2019 19:06 ტექნოლოგიები

წყარო:  РИА Новости

ისრაელის კომპანია Check Point Research-ის ანალიტიკოსებმა აღმოაჩინეს ვირუსი, რომელსაც პოპულარული აპლიკაციების სახით შენიღბვის უნარი აქვს.

კომპანია თავის ვებგვერდზე ასახელებს პროგრამას „აგენტი სმიტი“. ის Android-ის სისტემის სუსტი მხარეებით სარგებლობს  და ავირუსებს სმარტფონს. მავნე პროგრამა იმ დროს აღწევს მოწყობილობაში, როდესაც ტელეფონის მფლობელი ფოტორედაქტორს ან თამაშს იწერს, შემდეგ კი უკვე დაინსტალირებული აპლიკაციების, მაგალითად, WhatsApp-ის ან ინტერნეტის ბრაუზერის ღილაკებად ინიღბება. ამის შემდეგ იწყება აბეზარი რეკლამა.

კომპანიის მონაცემებით, ამ ვირუსმა უკვე მსოფლიოს 25 მილიონამდე მომხმარებელი დააზარალა. ყველაზე მეტად - ინდოეთში: ანალიტიკოსებმა იქ 15 მილიონამდე შემთხვევა დააფიქსირეს.

აღსანიშნავია, რომ თავდაპირველად ვირუსი რესურს  9apps-იდან ვრცელდებოდა, რომელიც ჩინურ კომპანია Alibaba-ს ეკუთვნის, თუმცა, ექსპერტებმა მსგავსი მავნე პროგრამა Google Store-შიც აღმოაჩინეს. მათი განცხადებით, პროგრამა მაღაზიიდან უკვე წაშალეს.

ბოლო სიახლეები